Igandean borobilduko du Zestoako Gazte Asanbladak Gaztetxearen 34. urtemuga ospatzeko prestatu duen hil osoko egitaraua. Apirilaren 30ean, Gaztetxearen Urtemuga Eguna ospatuko dute, eta hainbat ekintza prestatu dituzte.
Eguerdian bertso-triki poteoarekin hasi eta gaueko Bertsio Gauarekin bukatuko den egitarauak honako hitzordu hauek izango ditu:
- 12:30. Bertso-triki poteoa herriko kaleetan, Danel Olanorekin eta Jon Gurrutxagarekin.
- 14:30. Bazkaria, Zentroan. Menua: haragi edo barazki paella. Bazkarirako txartelak Mollergin daude eskuragai, 12 eurotan. Ondoren, sokatira.
- 18:30. Poteo musikatua, herriko kaleetan.
- 22:00. Bertsio Gaua, gaztetxe zaharrean.