Igandean, apirilaren 30ean, jokatuko dute kadete mailako txirrindularien IX. Gurutzeaga saria. Herriko plazatik irtengo dira txirrindulariak 16:30ean, eta 59,5 kilometroko ibilbidea osatu ondoren, Gurutzeagako frontoiaren parean izango dute helmuga.
Arozenako bidegurutzean kostaldera hartuta, hiru bider osatuko dute Iraeta-Aizarnazabal-Muniosoro-Oikia-Txikierdi-Narrondo-Arroabea zirkuitua. Arroabera hirugarren aldiz iritsitakoan, Presaldeko bidea hartu eta Arroagoira igoko dira, handik Iraetara jaitsi eta Zestoako herriguneko helmugara zuzentzeko.