Ate joka dira Zestoako Santa Kutz jaiak. Herritarrak dagoeneko festetan murgiltzeko prestatzen hasi dira, eta danborrak armairuetatik aterata, astelehenean ekin zieten danborradarako entseguei. Atzo egin zuten bigarrengoa, eta gaur egingo dute hirugarren eta azkenengoa, Udal Musika Bandaren doinuekin lagunduta. Kiroldegiko aterpean egiten dituzte entseguak zestoarrek, eta gaurkoa ere han izango da, 20:00etan hasita.