Ardo dastaketaren VIII. edizioa izango da zapatuan Zestoan. Laiak saltokiak antolatuta, herritarrek jan-edanerako aukera izango dute eguerdi partean, kiroldegiko aterpean. Zehazki, 12:30etik 14:30era egingo dute dastaketa.
Orotara, hamaika upategitako edariak probatzeko aukera izango da: Aimarez, G. Aldazabal, Monteabellon, Rioja Bordon, G. de Olano, Aitaren, Caecus, Ondalan, Zudugarai, Ramon Bilbao eta B. Mazuela. Halaber, ardoari laguntzeko, Lopene harategiko, Basatxerriren eta Maisorren produktuekin osatutako mokaduak dastatzeko aukera izango dute herritarrek.
Giroa alaitzeaz, berriz, Eibarko Ustekabe txaranga arduratuko da.