Zestoa Osasuntsu egitasmoaren barruan, Bizitzaren bukaerako kontzeptuak argituz hitzaldia antolatu du Zestoako Udalak datozen egunetarako. Hain zuzen, Eguzki Iraolagoitia zestoarrak euskaraz zein gaztelaniaz solasaldi bana eskainiko du: otsailaren 28an, asteartez, izango da euskarazko saioa, eta martxoaren 2an, ostegunez, gaztelaniazkoa. Bi saioak 17:00etatik 18:30era artean izango dira, Alonderon.
Hitzaldian, heriotzaren aurreko kontzeptuak argitzen saiatuko da hizlaria, eta une horren aurrean, norbanakoak zein aukera eta eskubide dituen azalduko du hark, zaintzarekin zein tratamenduen intentsitateen inguruan: gaixotasun aurreratua, terminala, zaintza aringarriak, sedazioa edota eutanasia. horrez gain, Aurretiazko Borondateen Dokumentua ere izango du hizpide.