Zestoan, Aizarnan, bi Arroetan, Lasaon... Santa Ageda bezperako koplen eta makil hotsen oihartzuna udalerriko bazter gehientsuenetara eraman zuten atzo Zestoan, otsailaren 4ko usadioa ondo errotuta dagoenaren seinale.
Zestoako santa eskeko taldea goiz eta arratsaldez ibili zen eskean. Legoia, Etorra, Akoa, adinekoen bi egoitzak eta, nola ez, herriguneko kaleak eta tabernak igaro zituzten. Eguna borobiltzeko, aurten asteburua lagun, bertso afaria ospatu zuten. Zestoa Herri Ikastetxeko ikasle, gutaso eta irakasleak ere ibili ziren atzo santa eskean, talde bat Iraetan eta beste bat Arroagoian
Aizarnan, Arroabean eta Lasaon ere elkartu ziren herritarrak santa eskerako. Hona hemen horietan jasotako hainbat irudi: