Immigrazioarekin lotutako zurrumurruen aurkako formakuntza ikastaroa antolatu du Zestoako Euskara Foroak, Zestoako Udalaren, Zurrumurruen Aurkako Sarearen eta Gipuzkoako Foru Aldundiaren laguntzarekin. Hiru saio eskainiko dituzte gaian adituak diren profesionalekin.; hirurak Alonderon izango dira, eta ordu eta erdikoak izango dira, 18:00etatik 19:30era artekoak. Saioetan aldibereko itzulpena izango da, eta saio denetara joaten direnek formakuntzan parte hartu izanaren ziurtagiria jasoko dute.
Formakuntza saioak:
- Otsailaren 7an, asteartean, Migrazio prozesuak: zurrumurruak eta jarrerak hitzaldia eskainiko du Xabier Aierdi Begirune fundazioaren zuzendariak. 18:00etan, Alonderon.
- Otsailaren 14an, asteartean, Kulturartekotasuna. Erronkak, bideak, aukerak… izenburuko formakuntza saioa eskainiko du Amelia Barquin Filologian Doktoreak eta Mondragon Unibertsitateko irakasleak. 18:00etan, Alonderon.
- Otsailaren 21ean, asteartean, Elkarrizketarako eta komunikaziorako trebetasun praktikoak gaiaz ariko da Asier Gallastegi Korapilatzen aholkularitza, prestakuntza eta trebakuntza elkartearen zuzendaria. 18:00etan, Alonderon.