Aste honetarako eta datorrenerako hitzordu bana prestatu dituzte adinekoak ariketa fisikoa egitera bultzatzeko Zestoa Osasuntsu egitasmoaren barruan.
Etzi, otsailaren 2an, ohiko ibilbide motza egiteko elkartuko dira 10:30ean kiroldegiko atarian. Irteera horiek "edonorentzat" prestatzen dituzte, "mugikortasun gaitasuna edonolakoa izanda ere" egiteko modukoak dira oinezko txangoak, alegia. Ibilaldia bukatutakoan, mokadutxoaz gozatzeko aukera izango dute parte hartzaile guztiek.
Datorren asteko ostegunean, berriz, otsailaren 9an, "arin ibiltzen" diren adineko pertsonei zuzendutako ibilbide luzeagoaren txanda izango da Zestoa Osasuntsuren barruan. Antolatzaileek aurrerago zehaztuko dute zer ibilbide egingo duten, baina aurreratu dute hura ere mokadutxoarekin osatuko dutela.