Itsasoak pizten gaitu, Beñat Gerekak Getariak itsasoarekin duen loturaren gainean sortutako dokumentala, Zestoan eta Arroabean ikusteko aukera izango da datozen egunetan.
Zestoan ostegun honetan, hilaren 15ean, emango dute dokumentala Kultur Etxeko areto nagusian, 19:00etan. Sarrerak 2 eurotan jarri dituzte, eta emanaldiaren egunean bertan salduko dituzte.
Arroabean, berriz, Ezkaizto auzo elkarteak antolatu du emanaldia. Hilaren 20an izango da, datorren asteko asteartean, 18:30ean hasita, eskola zaharrean.