Gure Bazterrak musika jaialdiaren bosgarren edizioa egin zuten atzo, larunbata, Zestoan. J Martina, Merina Gris, Grises eta Neomak taldeak igo ziren oholtzara atzokoan, eta erritmo biziz jantzitako doinuak eskaini zituzten. Gainera, Grises herriko taldeak ibilbideari amaiera emango diola jakinarazi zuen duela gutxi, eta agur kontzertuetan lehena atzo eman zuten, jaialdiaren barruan.
Antolatzaileek azaldu dutenez, ez zituzten saldu jaialdirako sarrera guztiak, baina ez zen asko falta izan horretarako. Gainera, jendearen erantzuna "ezin hobea" izan zela nabarmendu dute, eta beraz, "oso balorazio ona" egin dute.
Hemen irakur daiteke jaialdiaren antolatzaileei egindako elkarrizketa.
(Argazkiak: Manu Rodriguez eta Jone Exposito)