Gaur, larunbata, Beñat Arrue eta Benantxio Irureta mendizale eta lagunmin zirenen oroimena berritzeko III. Beñat Benantxio Ibilaldi Neurtua egin dute Aizarnan. 2016an eta 2018an egin bezala, Aizarnako Herri Elkarteak, Agiro mendi elkarteak eta Zestoako Udalak antolatu dute ekintza. Eguraldia lagun, bi ibilaldi izan dituzte aukeran partaideek 25 kilometrokoa bata eta 10 kilometrokoa bestea. Luzean 163 mendizalek parte hartu dute eta motzean 102k; guztira, 265 partaide izan dira. Biak Aizarnan hasi eta bukatu dituzte, eta Komizolatza, Gazume, Iturriotz eta Altzolan barrena ibili dira.
Mendi ibilaldiak bukatu ondoren, parte hartzaileak eta antolatzaileak Aizarnako plazan bildu dira elkarrekin bazkaltzeko. Giro ederra sortu da, bazkalostea trikitilariek girotu dute gainera.