Zestoako Euskara Foroak antolatuta, Hizkuntzak erraietan: euskara eta elkarbizitza dokumentalaren emanaldia eta solasaldia izango dira bihar, asteazkena, Alondero aretoan; 18:00etan izango da solasaldia, eta edonork izango du joateko aukera. Aloña Jauregik eta Eider Amundarainek zuzendu dute dokumentala, eta Zaldibian (Gipuzkoa) garatutako proiektu batean oinarritzen da ikus-entzunezkoa; hain zuzen ere, euskara eta kulturartekotasuna ditu hizpide dokumentalak.
Zaldibiako Ausa Gaztelu guraso elkarteko Margari Eizagirre zestoarra izango da solasaldia eskainiko duena; izan ere, guraso elkarte hori da proiektuan parte hartu duen eragileetako bat.