Bihar beteko dira 37 urte GALek Xabin Etxaide zestoarra eta Inaxio Astiasuinzarra, Jose Mari Etxaniz eta Agustin Irazustabarrena hil zituela Baionako Monbar hotelean. Urtero legez, Etxaide gogoan izan dute Zestoan, eta haren hilketa salatu dute hainbat lagunek.
Ertxiña mendira ibilaldia egin dute goizean, eguraldi txarrari aurre eginez. Ondoren, ekitaldia egin dute udaletxearen azpian –Etxaideren oroitarriaren aurrean egitekoak ziren ekitaldia, baina eguraldia tarteko lekualdatu dute–. Herritar ugari izan dira eta dantzaz, bertsoz eta txalapartaz doinuz nahiz aldarrikapenez jositako ekitaldian. Ekitaldiko irudiak Danbolin.eus webgunean ikus daitezke.