Euskal Herriko hainbat txokotatik bertaratutako txistulariek parte hartu zuten Zestoako Txistulari Alardean.. Horiez gainera, Zestoako Itxaropena dantza taldeak, Zumaiako San Pedro Abesbatzak, Jagoba Astiazaran txistulariak, Aitor Furundarena akordeoi jotzaileak, Aizpea Aristi eta Eider Iraola abeslariek, Eider Mendizabal eta Peio Nuño dantzariek eta Zestoako Batukada Taldeak parte hartu zuten. Gonbidatu bereziak ere izan ziren atzokoan, hala nola Eñaut Elorrieta eta Roberto Moso. Aurrenak Ken Zazpiren bi abesti kantatu zituen, eta bigarrenak Zaramaren bi.
Argazki bilduma, hemen.