Euria tarteko, Niala magoaren ikuskizuna kiroldegiko aterpean izango da

Gaur , irailak 2, magia ikuskizuna eskainiko du Niala magoak Zestoan. Hasiera batean Laranjadi plazan zen aritzekoa 21 urteko elgoibartarra, baina, azkenean, kiroldegiko aterpera lekualdatu dute saioa. 18:30ean hasiko da Nialaren ikuskizuna.

Magiaren zein artearen jarraitzaile sutsua da Niala, eta azken hamar urteetan magia ikasten eta egiten aritu da. Azken bi urteetan, gainera, Mundu ezberdin bat izeneko magia saioa sortu du. Bere trikimailuekin Zestoako haurrak eta gaztetxoak txunditzen ahaleginduko da Niala.