Azpeitia eta Zestoa artean, GI-631 errepidean, Alberdiko bihurgunearen parean auto bat errepidetik atera da, eta auto barruan zihoazen bi pertsona arin zauritu dira. Zauritutakoak Zumarragako Ospitalera eraman dituzte. Istripua izan duen autoak errepidea oztopatzen zuen, baina 12:10 alderako autoa bidetik kendu eta errepidea garbitu dute, Ertzaintzak azaldu duenaren arabera.