Patxi Urbieta arroarrak berak egindako maketak jarriko ditu asteburuan ikusgai Aizarnan. Hain zuzen ere, Arroa Beheko, Aizarnako, Aizarnazabalgo nahiz inguruko baserrien eta etxeen erreplikak egiten ditu Urbietak, eta horiek jarriko ditu ikusgai igandean eta astelehenean Kultur Etxean. Bi egun horietan 11:00etatik 14:00etara eta 17:00etatik 20:00etara izango da zabalik erakusketa.
Honako lotura honetan ikus daiteke iaz Erlo Telebistak Urbietarekin osatu zuen erreportajea.