Zerura begira, eguraldiari so, egon ziren herritarrak atzo, San Joan bezperan, iluntzean egin zuen euri jasak kolokan jar zezakeelakoan udako solstizioari ongietorria emateko egin ohi den sua. Dena den, giroak atseden eman zuen eguna iluntzerako, eta bi urteko etenaren ondoren, suak herriko plaza argitu zuen. Herritar ugari bildu zen suaren bueltan, eta dantzariek zein txistulariek lagunduta egin zuten San Joan bezperako ekitaldia.
Arroabean ere giro ederrean ospatu zuten San Joan bezpera herritarrek, eta han ere, iluntzearekin batera, sua izan zen nagusi.
(Argazkiak: Kepa Iribar eta Ane Olaizola)