Laiak dendak antolatuta, VII. Ardo Dastaketa izango da zapatuan, Zestoan. 12:30etik 14:30era hainbat ardo dastatzeko aukera izango dute herritarrek kiroldegiko aterpean. Hamar upategik parte hartuko dute aurtengo edizioan: Aimarez, Guzman Aldazabal, Altanza, Monteabellan, Sommos, El Ternero, Proelio, Ramon Bilbao, B. Mazuela eta Garcia de Olano.
Ardoak dastatzeaz gain, hainbat mokadu jateko aukera ere izango da. Izan ere, Lopene eta Uzkudun harategietako, Basatxerriren eta Maisorren produktuak izango dira dastagai. Ustekabe txaranga arduratuko da giroa musikaz alaitzeaz.