(Argazkiak: Utzitakoak)
Arroako II. Saria jokatu zuten atzo arratsaldean lehen eta bigarren urteko kadete mailako txirrindulariek. Euskadiko Txirrindularitza Federazioaren Gaztetxoak torneorako puntuak banatu zituen Arroabeko lasterketak; 180 txirrindularik parte hartu zuten, eta 103k bukatu zuten proba.
Esprintean erabaki zen lasterketa, eta Hodei Muñoz (Fundibide-Esselle-Sebal) izan zen azkarrena, Peio Albizuaren (Luyando Gancedo) eta Ekain Imazen (Quesos Albeniz-Burunda) aurretik. Muñozek, Albizuak eta Iker Villarrek (Ega Perfil) osatu zuten bigarren urteko kadeteen podiuma; sailkapen nagusiko hirugarrena, Imaz, izan zen era berean lehen urteko kadeteen sailkapeneko aurrena, Eñaut Urkaregiren (Danena) eta Mikel Sanzen (Mendiz-Mendi Omar Fraile Eskola