Zestoako Gaztetxea hasi da bere 33. urtemuga ospatzen. Atzo gauean izan zuten aurtengoa ospatzeko prestatu duten egitarau mardularen lehen hitzordua: Bertsio Gaua. Urtero legez, giro ederrean egin zuten, oholtzara igo zirenen zein ikustera eta entzutera joan zirenen gozamenerako. (Argazkiak: Zestoako Gaztetxea)
Hitzordu ugari
Esan bezala, Bertsio Gauarekin hasi du Zestoako Gazte Asanbladak gaztetxearen urteurrenaren egitaraua, baina apirileko azken egunak arte iraungo du aurtengoak.
Bigarren ekintza bihar bertan egingo dute: Gaztetxeko urteak oroituz argazki erakusketa ikusgai izango da igande arratsaldean, 18:00etatik aurrera; ondoren, luntxa ere izango da.
Hau da aurretik gelditzen den egitarau osoa:
Bihar, igandea
– 18:00. Argazki erakusketa: Gaztetxeko urteak oroituz. Gero, luntx-tertulia.
Apirilak 12, asteartea
– 17:00. Auzolana: santakutzetako prestaketa.
Apirilak 15, ostirala. Umeen Eguna
– 16:00. Eskulan tailerra, arkupeetan.
– 17:30. Iago Magoren magia ikuskizuna. Ondoren, txokolatada. Arkupeetan.
Apirilak 16, zapatua. Errakiren erresistentzia kutxa nazionala babesteko jaialdia.
– 10:00. Pala txapelketa, frontoian
– 13:00. Elkartasun argazkia, plazan.
– 14:30. Bertso bazkaria, Aitor Bizkarra eta Jon Gurrutxaga bertsolariekin. Bazkarirako txartelak salgai egongo dira Zestoako Portalen eta Azpeitiko Haginpen.
– 22:00. DJ gaua gaztetxean: DJ Costmix, DJ Triki eta DJ Murxi.
Apirilak 18, astelehena
– 10:30. Auzolana: santakutzetako prestaketa.
Apirilak 23, zapatua. Urtemugako festa
– 12:00. Manifestazioa, Indarrak biderkatzeko, gaztetxea zentrora leloarekin. Gero, trikipoteoa.
– 15:00. Bazkaria.
– 17:00. Raimundo El Canasteroren kontzertua, arkupeetan.
– 19:30. Txaranga, plazatik gaztetxera.
– 20:00. Kontzertuak, gaztetxean: Displasy, Bake Faltsua eta Rodeo. Ondoren, DJ HGS.
Apirilak 25, astelehena
– 16:00. Auzolana.
– 19:00. Santakutzetarako entsegua.
Apirilak 28, osteguna
– 18:30. Santakutzetarako entsegua. Gero, pintxo poteoa.