Ukrainako herritarrei babesa adierazteko elkarretaratzea egin dute gaur arratsaldean, Zestoan. SOS Ukraina Zestoa taldeak egin du deialdia, eta hainbat herritar elkartu dira, Gerrarik ez! lelopean. Zenbaitek Ukrainako banderak erakutsi dituzte, eta kandelaren bat ere ikusi ahal izan da bilkuran.
SOS Ukraina Zestoa taldea Ukrainara bidaltzeko materiala biltzen ari da egunotan. Zehazki, prestatutako jakiak eta kontserbak, garbitasunerako oinarrizko produktuak eta botikak jasotzen ari dira herriko dendetan.
(I. E.)