Bi urteko etenaren ostean, martxan da Iraetako tren txikien denboraldia. Bost hazbeteko Trenen Elkarteak gaur jarri ditu martxan trenak, eta herritar batzuk gerturatu dira hara, Iraetako futbol zelaiaren ondoan muntatuta duten zirkuituan itzuliak egitera.
Urri bukaerara arte izango dira martxan trenak; hain zuzen ere, hilero, bitan edo hirutan izango dira martxan trenak, 17:00etatik 19:00etara. Gainera, ekainaren 25ean, tren txikien topaketa egingo dute, eta egun osoan izango da trenetan ibiltzeko aukera.