Bereziki haurrei zuzendutako bertso emanaldia izango da larunbat honetan, martxoak 5, Zestoako Kultur Etxean. Bertso jasa, bat-bateko jolasa saioa eskainiko dute bertan Maialen Akizu eta Haritz Mujika bertsolariek. Zestoako Udalak antolatu du saioa, 6 eta 12 urte artekoei zuzenduta.
Gai-jartzailerik gabeko saioa da Lankuk prestatutako Bertso jasa, bat-bateko jolasa, eta ikus-entzuleen konplizitatearekin osatzen dituzte emanaldiak. Hain zuzen ere, publikoak proposatutako ideietatik eta gaietatik abiatuta osatzen dituzte bertsoak bertsolariek.