Zestoako Eskola Kiroleko programaren barruan, mendi irteera izango da larunbatean. Agiro mendi klubaren gidaritzapean, Zestoa, Sastarrain eta Ekain gailurrean barrena egingo dute ibilbidea neska-mutilek.
09:30ean elkartuko dira partaideak kiroldegiaren atarian, eta 12:30era itzuliko dira Zestoara. Hara iristean mokadua egiteko aukera izango dute parte-hartzaileek.