Tailer eta hitzaldi bat eskainiko ditu Goiener energia kooperatibak datozen egunetan, hurrenez hurren, Arroabean eta Aizarnan.
Arroabean etzi dute hitzordua Goienerrekoekin. Ezkaizto auzo elkarteak antolatuta, argindarraren faktura ulertzen laguntzeko tailerra emango dute Eskola Zaharrean, 18:30ean hasita. Tailerrean parte hartu nahi dutenei etxeko argindarraren faktura bat eramatea eskatu diete.
Gaur zortzi, berriz, otsailaren 22an, Aizarnako Herri Elkartean hitzaldia emango dute Goienerrekoek, Zestoako Udalak antolatuta. Energia berriztagarrien komunitatea Zestoan da Aizarnan datorren astean izango den hitzaldiaren izenburua, eta 19:00etan hasiko da.