Trigger, Aritza eta Degaraian taldeek kontzertu bana eskainiko dute bihar, ostirala, Zestoako Gaztetxean. Azken asteetan hartutako ohiturari jarraituko diote horrela Zestoako Gaztetxeko kideek; izan ere, ohiko plana bilakatu da ostiral gauez kontzertuak antolatzea.
Aste honetan, euskarazko pop musikaz, askotariko abestien bertsioez eta txeloa, pedalak, elektrifikazioa eta punka uztartzen dituen musikaz gozatzeko aukera izango dute bertaratzen direnek. Soldatadunek sei euro ordaindu beharko dute sarrera, eta langabetu eta ikasleek, berriz, lau.