Autobus eta auto baten arteko istripua izan da gaur, 07:10 aldean, GI-631 errepidean, Zestoan. Aurrez aurre jo dute bi ibilgailuek, eta Ertzaintzak Urola Kostako Hitzari adierazi dionez, auto gidaria zaurituta eraman dute ospitalera.
Ezbeharra Bainuetxeko bihurgunean izan da, Azpeitiko noranzkoan, eta une batez, itxita izan da errepidea. Dena den, bere onera itzultzen ari da dagoeneko egoera.