Arroabeko txirrindularitza zaleek eta Zestoako txirrindulari elkarteak antolatuta, Arroa Beheko Saria jokatu zuten atzo. Sansinenea industrialdean hasi zen kadete mailako lasterketa, 10:30ean. Bi zakila bira egin ostean, Arroagoira igota eta berriro Sansineneara jaitsita amaitu zuten txirrindulariek proba, 58 kilometroko ibilbidea osatuta. Guztira, 107 txirrindulari helmugaratu ziren.
Nikolai Asensio (Limousin-Oriako) izan zen ibilbidea amaitzen aurrena; hark ordubete, hamazazpi minutu eta hemeretzi segundu behar izan zituen helmugara iristeko. Haren atzetik sailkatu zen Auritz Mendia (Caja Rural -Ikolan- Beasain), eta hirugarren, berriz, Mattin Salegi (Viveros San Anton-Mardu).
Martin Early argazkilariak proba horretan hartutako irudiak dira goikoak.