Urola Erdiko Kontseilu Sozialista autodefentsa laboralerako formakuntza saioak eskaintzen ari da eskualdean, eta horien bigarren saioa atzo, asteazkena, egin zuten Zestoako Kultur Etxean. Bertan, nominetan agertzen diren kontzeptuez aritu ziren hizketan, eta horren inguruko informazio teknikoa eskaini zuten. Hogei lagun inguru bildu ziren aretoan.
Hurrengo formakuntza saioa Azkoitian izango da, hilaren 23an, asteazkena. Saio horien helburua da lan arloan sor daitezkeen arazoei erantzuteko tresnak herritarrei eskaintzea.