2022ko ekainaren 12an ospatuko da Errezilen Gipuzkoako Eskola Txikien jaia. Errezilgo Toki Alai guraso elkartekoek gaur jaso dute festa antolatzeko lekukoa Aizarnakoen eskutik. Pandemiaren ondorioz, ezin izan dute ohi bezala jaia antolatu Aizarnakoek, baina Etumetan jai giroan eta dozenaka herritar bilduta egin dute lekukoa pasatzeko ekitaldia. Herriak bizirik izateko eskola txikiek dute garrantzia nabarmendu dute ekitaldian. Dozenaka herritarrek parte hartu dute ekitaldian, baita txistulariek eta dantzariek ere.
Ondoren, Aizarnan jaialdia egin dute Aizarnako Herri Eskolako ordezkariek eta Aizarnan Eskola Txikien Jaia antolatzen aritu den talde eragileko partaideek.