Urola Kostako LABek Maiatzak 1ean Azpeitian mobilizatzeko deia egin bazuen ere, "osasun egoera dela eta" Zestoan bertan egitea erabaki du Zestoako LABek. Beraz, herri horretan 12:00etan egingo dute manifestazioa. Zestoako plazatik hasita egingo dute manifestazioa, eta Bainuetxera joango dira bertako langileen egoera salatzeko. LABeko delegatuek mobilizazioan parte hartzeko deia egiten dute.
Aldaketa da aukera, zaintza, lana, bizitza, herria! da aurtengo Maiatzaren 1erako LABek aukeratu duen leloa, eta "osasun egoeraren ondorioz lan-balditzak eta bizi-baldintzak okertu diren honetan", langileak mobilizazioetan parte hartzera deitu dituzte.