Musika Independentearen Sarietarako sei izendapen lortu ditu Zestoako Grises taldeak, Talisman lanagatik. Artista, disko, rock disko eta abesti onenaren sarietarako lehian sartu da taldea; musika ekoizpen onenaren sarirako lehian Eñaut Gaztañaga; eta diseinu grafiko onenaren sarirako lehian Josu Torrealdai.
Orain publikoari dagokio iritzia ematea, honako lotura honetan, botorik gehien lortzen dituztenak izango baitira finalera iritsiko direnak. Bozketa prozesua amaitzean, hedabide espezializatuetako kazetariek, areto eta jaialdietako programatzaileek eta sektoreko beste profesional batzuek osatutako epaimahaiak aukeratuko ditu irabazleak. Sari banaketa ekainaren 16an izango da, Burgosen (Espainia).