Seme-alabak Lehen Hezkuntzan dituzten gurasoei zuzendutako hitzaldia antolatu dute etzirako, hilak 18, Aizarnan. Pornoa hemen da! da hitzaldiaren izenburua, haurrek Internetekin duten harremanarekin lotuta. Kultur Etxean izango da hitzaldia, 17:30ean hasita, eta Axier Baglietto zarauztarra izango da hizlaria; Soziologian lizentziatua, sexologian aditua da Baglietto, eta Harremonak eta To! mugimendu erotikoa egitasmoen kidea da.
Entzule kopurua mugatua izango denez, hitzaldira joan nahi dutenek aurrez eman beharko dute izena, ahurragurasoelkartea@gmail.com helbidera idatzita.