Profesionalen pilota partidak izango dira datorren astelehenean, martxoak 1, Zestoako kiroldegian. Lehenik eta behin, promozio mailako binakako txapelketako neurketa jokatuko dute: Elordik eta Garmendiak Egiguren eta Ruiz izango dituzte parez pare. Jarraian, berriz, lehen mailako partida jokatuko dute Altunak eta Mariaezkurrenak Ezkurdiaren eta Galartzaren aurka.
Gaur –osteguna– goizean kiroldegian izan dira pilotariak asteleheneko pilotak aukeratzen. Ikuslerik gabe jokatuko dituzte partidak, baina zuzenean emango ditu ETB1ek, 22:30ean hasita.