Zestoako Sarek egun hauetarako hainbat deialdi egin ditu presoen, iheslarien eta deportatuen eskubideen alde, Izan Bidea dinamikaren barruan. Gaur, igandea, auto karabana egin dute, 10:30ean Gurutzetik irtenda. Besteak beste, Aizarnara eta Arroara joan dira beren aldarriaren berri ematera. Segidan, 12:30ean, elkarretaratzea egin dute plazan, eta dozenaka herritarrek parte hartu dute.
Zestoako Sarek deituta, urtarrilaren 1ean, Izarraitzera mendi ibilaldia egingo dute. 09:00etan Gurutzetik irtenda joango dira presoen, iheslarien eta deportatuen aldeko mendi ibilaldia egitera.
Urtarrilaren 9an, berriz, herriz herri egingo dira Sarek deitutako mobilizazioak. Egun horretan, 17:00etan, plazatik irtenda manifestazioa egingo dute. Ondoren, ekitaldia izango da.