Zestoako Gazte Asanbladak eta Gipuzkoako saharar errefuxiatuen komunitateak Saharako errealitateaz hitz egiteko bi hitzaldi antolatu zituen, bata ostegunean izan zen eta bestea atzo, ostirala. Embairek Zubeir aritu zen hizlari Alonderoko kultur aretoan. Antolatzaileak gustura agertu dira bi solasaldiek izandako harrerarekin; zehaztu dute 60 pertsona inguruk parte hartu dutela.
Zestoako Gazte Asanbladak dei egin die herritarrei Sahararen alde antolatutako mobilizazioetan parte hartzera, eta gogoratu du gaur, larunbata, Zumaian egingo dutela mobilizazioa, 12:00etan, Beheko plazan.
Joan den larunbatean, hilak 14, Fronte Polisarioak hautsitzat jo zuen Marokorekin 1991. urtean sinatutako su-etena, eta horren harira, elkarretaratzeak izan ziren asteburuan. Honako lotura honetan ikus daiteke Zestoako eta Azkoitiko elkarretaratzeen argazki bilduma.