Zestoako Herri Eskolaren bi eraikinetako jolastokiak eskola orduz kanpo ere irekita izango dira arratsaldez etzitik aurrera. Arratsaldeko eskolak bukatzen dituztenetik, 16:30etik, 18:00ak arte irekiko dituzte bi jolastokiak, eta "hala nahi duten gurasoek eta haurrek" bertan gelditzeko aukera izango dute eskolatik irtendakoan.
Udalak eman du eskolako zuzendaritzarekin batera hartu duen erabaki horren berri. Erakundeak azaldu du guraso talde batek egindako eskaerari erantzun diotela hartutako neurriarekin, "herriko haur, gaztetxo eta gurasoek zuten espazio faltari" irtenbidea emateko asmoarekin.