Zestoako Udala udal eraikinen garbitzaileen bila dabil; izan ere, garbitzaileen bajei eta oporrei erantzuteko jendea behar du, baita COVID-19 gaitzak sortutako ordezkapenak egiteko ere. Udalak adierazi duenez, egun "agortuta" dago garbitzaileen lan poltsa.
Lan eskaintzan interesa duten herritarrek Lanbide Euskal Enplegu Zerbitzuaren bitartez eman beharko dute izena ostirala —hilak 6— baino lehen, telematikoki nahiz Lanbideren bulegora joanda. Honako lotura honetan irakur daitezke lan eskaintzaren xehetasunak.