Zarauzko Euskal Astearen barruan, Trikitilari Gazteen Txapelketa jokatu zen atzo Modelo aretoan. Hasiera batean, zazpi bikotek izena eman bazuten ere, azkenean, COVID-19a dela eta bost bikote taularatu ziren. Ane Urbieta eta Nerea Lopetegi zestoarrak nagusitu ziren, eta bigarren sailkatuak, berriz, Irati Arzelus lesakarra eta Mirari Plazaola arrasatearra izan ziren.
Txapelketa zuzenean ikusteko aukera izan zuten herritarrek, baina COVID-19 birusetik babesteko protokoloak zehazten duen moduan, aretoaren edukiera murriztu egin zuten, ikusleek segurtasun tartea mantendu ahal izateko.
Ikusi hemen atzoko argazki bilduma. Argazkilaria: Ibon Errazu.
Txapelketak ikusgai
Euskal Asteko txapelketak ikusgai egongo dira egunotan Erlo Telebistan nahiz zarauzkohitza.eus atarian.