Eusko Legebiltzarrerako hauteskundeak izan dira gaur, uztailak 12, Araban, Bizkaian eta Gipuzkoan. Zestoan bukatu dute boto kontaketa. Zestoan EH Bilduk irabazi ditu hauteskundeak, 844 boto (%53,51) eskuratuta. Bigarren indarra, berriz, EAJ izan da, 614 boz (%38,93) lortuta. Hirugarren indarra Elkarrekin Podemos izan da 60 botorekin (%3,80) eta laugarrena PSE-EE, 41 botorekin (%2,59). Equo-Berdeak zazpi boto eskuratu ditu, PP-Ciudadanosek lau, eta Pacma, Vox nahiz Aulki Zuriak-ek bina boto.
Zestoan 2.759 herritar zeuden hauteslekuetara deituta gaurkoan, eta parte hartzea %57,92koa izan da; 1.598 herritarrek eman dute botoa. Abstentzioa, berriz, %42,08 izan da gaurkoan.
2016an egin ziren azkenengoz Eusko Legebiltzarrerako hauteskundeak, eta orduko hartan ere EH Bildu izan zen nagusi Zestoan, 830 boto eskuratuta. Bigarren indarra EAJ izan zen, 702 botorekin. 2016ko hauteskundeekin alderatuta, parte hartzeak bost puntu behera egin du Zestoan.