Gaur, ekainak 21, Musikaren Nazioarteko Eguna dela eta, Arineketan diskoaren aurrerapena kaleratu dute Jagoba Astiazaran txistulari zestoarrak eta Iñar Sastre piano-jotzaile anoetarrak. Haurrak lotarazteko doinua sehaska kantaren bertsioa plazaratu dute, eta bidelagun izan dituzte grabaketan Eñaut Elorrieta eta Ainara Ortega abeslariak zein Ivan Casado biolontxelo-jotzailea. Abestiaren bideoklipa, berriz, hainbat herritarrek bidalitako bideoekin osatu dute. Koronabirusak sortutako egoera tarteko, Arineketan diskoaren kaleratze data atzeratu egin behar izan dute Astiazaranek eta Sastrek.
Hona hemen kanta eta bideoklipa:
https://www.youtube.com/watch?v=MY7csHIkWzY&feature=emb_title