Zestoako Araneta erretegiak beste sari bat jasoko du: BMW Mas Gastronomia saria, hain zuzen ere. Datorren ekainean banatuko dute sari hori, eta erretegien kategorian sarituko dute jatetxea. Ez da Joseba Odriozolaren erretegia saritzen duten lehen aldia; izan ere, Zarautz Parrillan-en erreboilo txapelketa irabazi zuen iaz, eta 2017an Donostia Gastronomika biltzarraren barruan egin zuten Espainiako Parrila Lehiaketako sari nagusia ere eskuratu zuen.
Lotura honetan irakur daiteke Gipuzkoako Hitzak iaz Odriozolarekin hitz eginda osatu zuen erreportajea.