Urtero legez, Gabonetako zozketa egin du Zestoan merkatari elkarteak, eta dagoeneko jakinarazi dituzte zozketako zenbaki saridunak zein diren. Atzo, hilak 6, egin zuten zozketa Zestoan merkatari elkartekoek, eta guztira, herriko dendetan gastatzeko 1.800 euro banatu dituzte.
18.847 izan da zenbaki sariduna, eta 1.000 euroko saria bereganatu du irabazleak; ordezko zenbakia, berriz, 11.677 da. Bigarren sariaren (500 euro) zenbaki sariduna 29.161 izan da, eta ordezkoa, 23.870; hirugarren sariaren (300 euro) zenbaki sariduna, aldiz, 26.768 zenbakia izan da, eta ordezkoa, 29.526.