Gabonetako oporraldirako hainbat ekintza prestatu du Zestoako Gaztelekuak, eta horietako bat da abenduaren 30erako, astelehena, DBH ikasten ari direnentzat antolatu duen irteera.
Urbil merkatalgunean dagoen Costajump jolas parkera joango dira egun horretan Zestoako gaztetxoak; 15:00etan irtengo dira Gurutzetik, eta leku berera itzuliko dira 19:00etarako. Izena emateko epea irekita dago eta joan nahi dutenek datorren astelehena baino lehen eman behar dute izena Gaztelekuan, 16 euro ordainduta.