Aizarnan izango da Gipuzkoako Eskola Txikien 2020ko jaia, eta Aizarnako Eskolak dagoeneko aukeratu du festa egun horren logotipoa. Logotipoa aurkezteko, berriz, goiko lipdub-a egin dute eskolako irakasleek eta ikasleek.
Datorren urteko Eskola Txikien jaia antolatzeko osatutako batzordeak aizarnar guztiei eman zien behar zuten logotiporako ideiak eta proposamenak aurkezteko aukera. Aurkeztutako guztien artean bat aukeratu zuten antolatzaileek, eskolako guraso batek egina, eta hark egindako proposamenetik abiatuta osatu dute azken irudia, bideoaren bukaeran ikus daitekeena.
Kamisetak salgai
Logotipoa aukeratuta, 2020ko ekainaren 14ko festa eguna finantzatzeko egingo duten kamiseta eta arropa salmenta antolatzen ari dira orain Aizarnan.
Hasteko, Gipuzkoako eskola txiki guztietara bidali dituzte jantzien erakusgaiak, nahi dituenak eskariak egin ditzan.