Arroagoian bertso afaria antolatu dute azaroaren 16rako, eta hara joateko txartelak salgai daude dagoeneko. Maddalen Arzallus eta Aitor Salegi arituko dira kantuan Arroagoiko herri etxean, 21:00etatik aurrera. Afalostean, berriz, DJ Pajaritok alaituko du gaua.
25 euroren truke eskuratu ahal izango dira bertso afarirako txartelak Zestoako Portale tabernan, Zumaiako frontoian nahiz 678 61 59 96 telefonora deituta. Horiek erosteko azken eguna azaroaren 13a, asteazkena, izango da. Entsalada, bakailao tortilla, txuleta, gazta irasagarrarekin, kafea eta edaria sartuko dira afariko menuan.