Iago Magok emanaldia eskainiko du datorren igandean, hilaren 29an, Zestoako Portale kultur elkartean. 19:00etan hasiko da mago azpeitiarraren ikuskizuna, hark hainbat truko egingo dizkie umeei zein helduei.
Japoniako kultura, euskaraz
Horrez gain, rakugoak ezagutzeko eta euskaraz entzuteko aukera izan zuten zestoarrek atzo iluntzean Portalen. Hiromi Yoshidak eta Azpeitiko Rakugo Taldeko Arantzazu Maizek, Maider Ibargurenek eta Axen Escaladak Japoniako ahozko literatura tradizionalaren erakusgarri diren ipuinak kontatu zituzten dozenaka lagunen aurrean.