Bere kirol ibilbideko lorpen handiena erdietsi zuen atzo Iban Pardok: Euskal Herriko Sega Txapelketa irabazi zuen goizean, Asteasun, eta lorpenaren neurriko harrera egin zioten arratsaldean Zestoan.
Udalak egin zion harreran, herriko kirolaria zoriontzeko aukera izan zuten zestoarrek. Aitor Salegi zinegotziak bertsotan egin zion harrera udaletxeko balkoian, eta Mikel Arregi alkateak ere hartu zuen hitza Pardoren lana goraipatzeko. Udaletxeko balkoitik, txapela buruan zuela, eskerrak eman zituen Zestoako segalariak.
Harrerako argazki gehiago, Danbolin.eusen.