Aragoiko (Espainia) Pirinioetara txangoa antolatu du Zestoako Agiro Mendi Klubak uztailaren 6 eta 7rako, eta irteeran parte hartu nahi duten herritarrek izena eman dezakete dagoeneko 665-756 952 telefonora deituta; 80 euro ordaindu beharko da ibilaldia pertsonako. Uztailaren 3a, asteazkena, izango da izena emateko azken eguna.
Larunbat goizean abiatuko da txangoa Zestoatik, eta arratsaldean, Gallego ibaian rafting-a egingo dute. Gauean Riglos herriko aterpetxean pasako dute gaua, eta igandean, Jaka inguruan zeharkaldia egin ostean, Zestoara itzuliko dira.